Frank:
Da Musemoasta und Hans Dampf in alle Gassn,
Ko koa Instrument in Ruah ned lassn.
Steht vorn am Mikrofon und konfronciert,
Managet, arrangiert und komponiert,
Und hofft, dass si de Kapelln damit ned blamiert.
Spinnt aber aa ab und zua a weng,
Und so hod man sogar scho ois Tina Turner gseng!
Asche:
Wenn er ned Tuba blost, an Bass und Geign rum zupft,
Er gern am Masskruag riacht oder a Priserl schnupft!
Und wennst mi fragst, warum er lacht und sei Zung rausbleckt,
Sag i nur drauf – weil’s eahm einfach schmeckt!
Betti:
Is bei 14hoibe a Wei dabei, muaß de scho ganz a Bsondre sei!
Bettiiii hod ned nur ois Sängerin in ihre Stimmbandl brutal was drin,
Sie is a unsa Facebook-Pflegerin und die Bühnen-Marketenderin!
Zocka:
Singa, Sax und a Mass Bier
San am Zocka sei Lebenselixier!
Ob Veteranenjahrdog, Wiesn, Malle, Staatskanzlei,
Wo’s was zum Feiern gibt, is er dabei!
Markus:
Schlagzeug
Ludwig:
Trompete
Franzelin:
Gitarre
Josepha:
Sag & Klari
Willi:
Unser Willi Wunderbar,
Spuid de Ziach, des is ja klar!
Ob Oktoberfest in Minga, Japan, China oder Südafrika,
An der Quetschen steht da Wili Wunderbaaaah!
Alte Kammeraden:
Räd:
Da Red Lock klopft mit seaba gschnitze Stecka ausm Woid
An Groove auf de Drommeln oba, dass grod aso schnoid!
De Technik und Webseitn werdn von eahm arrangiert,
Und auf der Bühne werd auf dem Xylophon brilliert!
Matschge:
Spuid de Klampfn aufm Ruckn und unterm Knia –
Sowas segt‘s ihr gwiß sonst nia!
Wenn mia eahm von da Kettn lass‘n,
Begeistert er die Massn…ääh…is er begeistert von de Massn!
Seppal:
Da Rossboinklauba, was mechst wettn?
Der spuid sogar a dreischwanzige Trompettn!
Der oanzig wahrer Hobafeldtreiber und Supa-Trompeter,
Is a boarisches Original und lebendiges Bier-Barometer!
Glasl:
Da Glasl – frisch rasiert und guad trainiert,
Auf Sax und Klari super versiert,
Mille und Muse als Arbeitscredo,
Dahoam schaut er lieba im Keller a Fussboispui o!
Wia de zwoa Seppen hinten zammad passn,
konn i bis heid no gar ned fassn!
A Sechzga und a Bayer nebenanand…
Auf engstem Raum, ohne Raffa!…sauba sog i! Allerhand!